GUDE ALE KEEPS THE HEART ABOON

Click here to listen: https://soundcloud.com/words-of-burns/gude-ale-keeps-the-heart-aboon

This is a traditional song collected and edited by Robert Burns.

“O gude ale comes and gude ale goes;

Gude ale gars me sell my hose,

Sell my hose, and pawn my shoon-

Gude ale keeps my heart aboon!

I had sax owsen in a pleugh,

And they drew a' weel eneugh:

I sell'd them a' just ane by ane-

Gude ale keeps the heart aboon!

Gude ale hauds me bare and busy,

Gars me moop wi' the servant hizzie,

Stand i' the stool when I hae done-

Gude ale keeps the heart aboon! “